Maxfiylik siyosati
TestYech — Milliy Sertifikat imtihoniga tayyorgarlik ilovasi.
Oxirgi yangilanish: 2026-yil 28-oktabr
Bu ilova o'quvchining imtihonga tayyorgarligiga xizmat qiladi. Shu sababli u faqat o'sha tayyorgarlik uchun zarur bo'lgan ma'lumotni saqlaydi va boshqa hech narsani yig'maydi.
Ilova nimani yig'MAYDI
- Elektron pochta manzili — Apple orqali kirishda ham so'ralmaydi
- Telefon raqami
- Joylashuv (geolokatsiya)
- Kontaktlar, suratlar, kalendar yoki qurilmadagi boshqa fayllar
- Reklama identifikatori
- Boshqa ilova va saytlar bo'ylab kuzatish
- Bank kartasi ma'lumoti — xaridni Apple qabul qiladi
- Nosozliklar hisoboti (crash reporting)
Ilovada reklama yo'q. Ma'lumot uchinchi tomonlarga sotilmaydi va berilmaydi. Ilova sizni boshqa ilovalar yoki saytlar bo'ylab kuzatmaydi.
Ilova nimani saqlaydi
| Anonim identifikator | Ilova birinchi ochilganda avtomatik yaratiladi. U ismingiz bilan bog'liq emas va progressingizni qurilmangizga bog'lash uchun xizmat qiladi. |
|---|---|
| Tayyorgarlik ma'lumotlari | Tugallangan mavzular, to'plangan ballar (XP), kunlik seriya, mashq qilingan kunlar va sinov imtihoni natijalari. |
| Ism — faqat hisob ulansa | Apple ID orqali kirsangiz va ismingizni berishni tanlasangiz — o'sha ism. Telegram orqali kirsangiz — Telegramdagi ismingiz va Telegram identifikatoringiz. |
| Profil — hammasi ixtiyoriy | Profilingizga o'zingiz kiritsangiz saqlanadi: familiya, taxallus, sinf, tug'ilgan yil, viloyat va tanlagan avatar-personajingiz. Bularning hech biri majburiy emas — har birini bo'sh qoldirishingiz yoki keyin o'chirishingiz mumkin (Profil → Tahrirlash). Viloyat siz tanlaydigan ro'yxatdan olinadi; ilova telefoningizning joylashuvini o'qimaydi. |
| Ilovadan qanday foydalanilgani | Qisqa hodisalar: «mavzu tugadi», «sinov tugadi, 42%», «TestYech Pro oynasi ko'rsatildi», «obuna sotib olindi». Ular o'z yozuvingizda, uning identifikatori ostida saqlanadi va faqat ilovaning qaysi qismi o'quvchiga yordam berayotganini ko'rish uchun ishlatiladi. Hodisada ism, javob matni yoki xabar yo'q. Hisob bilan birga o'chadi. |
| Siz yuborgan fikr | Profil → Fikr bildirish orqali yozsangiz — yozgan matningiz, uni o'qishimiz uchun o'z yozuvingizda. |
| TestYech Pro obunasi | Xarid Apple orqali bo'ladi, kartangizni biz ko'rmaymiz. Pro faolligini bilish uchun ilova RevenueCat xizmatidan foydalanadi: unga ilovadagi identifikatoringiz va App Store tranzaksiyasi boradi. Obunani Apple ID sozlamalarida boshqarasiz yoki bekor qilasiz. |
Hisob ulash ixtiyoriy. Ulanmasangiz ham ilova to'liq ishlaydi — u holda progressingiz faqat shu qurilmada qoladi.
Ma'lumot qayerda saqlanadi
Ma'lumot Google'ning Firebase xizmatida (Authentication va Cloud Firestore) saqlanadi. Server qoidalari shunday sozlanganki, har bir foydalanuvchi faqat o'z yozuvini o'qiy va o'zgartira oladi; boshqa birovning ma'lumotiga kirish imkoni yo'q.
Bildirishnomalar
Eslatmalar qurilmangizning o'zida hisoblanadi va rejalashtiriladi. Ilova buning uchun hech qanday serverga ma'lumot yubormaydi. Bildirishnomalarni istalgan vaqtda ilova sozlamalaridan yoki iOS sozlamalaridan o'chirib qo'yishingiz mumkin.
Ma'lumotni o'chirish
- Hisobni butunlay o'chirish: Profil → Hisobni o'chirish. Hisobingiz, bulutdagi yozuvingiz va qurilmadagi barcha ma'lumot darhol o'chadi. Bu amal qaytarilmaydi.
- Hisobdan chiqish (ma'lumotni saqlab): Profil → Chiqish.
- Ilovani telefondan o'chirish — qurilmadagi barcha ma'lumot ketadi.
- Savolingiz bo'lsa yoki yordam kerak bo'lsa — @testyech_support_bot.
Bolalar
Ilova maktab o'quvchilariga mo'ljallangan va foydalanuvchilarning bir qismi 13 yoshgacha bo'lishi mumkin. Yuqoridagi jadvalda sanab o'tilgan profil maydonlarining hech biri majburiy emas: har fanning birinchi mavzusi hisobsiz ishlaydi va profilni umuman to'ldirmasdan foydalanish mumkin.
Agar farzandingiz ma'lumot kiritgan bo'lsa va uni o'chirishni istasangiz, ilovadagi Profil → Hisobni o'chirish orqali hammasini darhol o'chirish mumkin, yoki @testyech_support_bot ga yozing.
O'zgarishlar
Siyosat o'zgarsa, ushbu sahifadagi sana yangilanadi. Yig'iladigan ma'lumot doirasi kengaysa, bu ilova ichida ham ma'lum qilinadi.
Bog'lanish
Telegram: @testyech_support_bot
Sayt: testyech.uz/yordam
Summary in English
TestYech is an exam-preparation app for the Uzbek National Certificate. It stores only study progress (completed topics, points, streak, practice days, mock-exam results) under an anonymous identifier created on first launch. If you optionally link an Apple ID or Telegram account, your name (and Telegram ID) is stored as well. No email address is requested — Apple Sign-In asks for the full name scope only. Since version 1.3 it also stores short in-app usage events (which screen, which button, mock-exam score, subscription purchase) and any feedback you send, in your own record; the TestYech Pro subscription is checked through RevenueCat. The app collects no location, contacts, advertising identifier, cross-app tracking or crash reports, contains no ads, and never sells data. Data is stored in Google Firebase; server rules restrict every record to its own owner. Reminders are scheduled entirely on-device. To delete your cloud record, contact us via @testyech_support_bot.